الان نكت جزاائرية

أيا واحد الأستاذ كان يصحح في ورق الإمتحان , لقى ورقة مكتوب فيها " يا أستاذ أرجوك لا تفتح الورقة " , أيا مافتحاش بصح قتلاتو القنطة, أيا داختلو الا يفتح الورقة ولا لالا , أيا فتحها , كي فتحها لقى مكتوب " فتحتها يا بن الكلب ؟؟ " خخخخ



أيا قالك هذا واحد زاوالي وفقير , راح طلب واحد في ألف , عطاه1000 وقالو يا ولدي 1000 ماديرلك والو في أيامنا , قالو نروح نوزن بيها روحي عندي يومين ماكليتش


أيا واحد خروف صقصا أمه : قالها مااااااا وين راه باااااااااا قالتلو اتبااااااع



أيا واحد جا فايت على حيط لقى فيه ثقب , سمع من ورا الحيط 12 . 12 .12 .... حاب بعرف واش كاين شاف من هذاك الثقب , ثقبولو عينه سمع بعدها 13 13 13 .....



قالك واحد لبس كوستيمة فور , وخرج برة يمشي , دار فيها قارو نسيم وريح يتكيف , جازت عليه واحدة شابة بزاف , خبأ القارو في الجيب وهو شاعل , المهم شعلت فيه النار جاتو هذ الشابة وقاتلو _ خو راك تشعل قالها : خوك ديما يشعل <<< عندبالو قالتو راك تشعل بالنظافة



أيا قالك وحدة جازت على راعي شيخ , قالتو _ عمو Bonjour بونجور _ قالها : يبنجرك بالخير بنتي



واحد الراجل مسكين فقير كل مايدخل لداروا ويقول السلام عليكم تقولو بنتو قاتلك يما اشرينا الزيت او الخضر(كل يوم تقولو) وحد النهار قاللهم من اليوم مانقولش السلام ايا وحد المرة حب يصلي كيما بدا الصلاة بنتو بقات تنتظر فيه يسلم (باش تقولو) ايا هو شافها فالمرايا كيما حب يكمل قال اهلا بكم.......اهلا بكم ومرحبا(يعني في عوض باش يسلم قال اهلا)



واحد حابس حب ينتحر اركب فوق صخرا وحب يرمي روحو جا ليه واحد وقالو واش راك حاب دير قالو ننتحر قالو اركب فوق بطيمة وارمي روحك الا راك حاب تنتحر قالو وعلاش راك حاب تقتلني ؟؟



قالك واحد رح يدير زرع الأعضاء , يركب كلية , رح للمستشفى لمصلحة أمراض الكلى , المتبرع ماجاش , أيا ولا الطبيب ركبلو كلية تاع كلب , مورا العملية بسمانة جا المريض للطبيب , الطبيب سقصاه : هل تعاني من أي أعراض جانبية؟ المريض : لا بصح كي نجي نبول نرفد رجلي



واحد دار عرس وعرض نساء بزاف , المهم اللي اسمها مليح كيما سارة , سوسو , ميمي , شاهيناز , يروحو للكار , واللي اسمها ماشي مليح كيما , خيرة ومرزاقة والعلجة , يروحو للكاميو باش يديرو كورتاج, المهم كل ما تجي وحدة يسقصيها صاحب العرس وش اسمك , تقولو سارة يقولها الكار , الأخرى واش اسمك ؟ , تقولو زوينة يقولها الكاميو ,,, حتى جات وحدة قالها واش اسمك قاتلو فتيحة ويعيطولي فاتي , قالها ديري دورة للكار وأرجعي للكاميوووووووو



. قالك واحد مرة لقى عجوز هازة قرعة غاز تعبتها بزاف , ايا قالها يما نهزلك القرعة وادعيلي دعوة خير , عطاتهالو وقاتلو الله يفتحها في وجهك







جزار راح يخطب في وحدة ,تلاقى مع والد الطفلة , قالو شحال تعطيلي بنتك قالو 80 مليون , قالو علاه شحال راكم تحسبو في الكيلو ؟



واحد راح للطبيب النفسي قالو يا سيدي راني نحس في روحي كي الكلب , قالو من وقتاش عندك هذا المرض قالو كي كنت جرو






قالك أيا واحد كل يوم يريح في القهوة ,و كل يوم تجوز عليه وحدة يشوف معاها وتشوف معاه , بقاو على هذي الحال عام , وحد النهار شافها مع واحد راح ليها قالها اللي بيناتنا أنسايه


واحد كل يوم يحلم ب قطوطة يلعبو ماتش فوت , راح للطبيب وشكالو , الطبيب قالو بلي لازم ماترقدش اليوم , قالو المريض أواه لالا , اليوم الماتش فينال


أيا قالك واحد راح مصنع انتاع مركبات كيميائية , لقى صهريج فيه حمض الكلور HCL , حب يعرف وش هو الأسيد , دخل يدو ثمة , كي خرج مالقاش يدو ؟؟؟ آو(ذابت في الحمض ) ؟ داخ , زاد لاح يدو الأخرى وخرجها مالقاهاش ؟ أيا لاح راسو يحوس عليهم





زوج تزوجو , وبعد 20 سنة زواج المرأة حملت , ما تفاهموش , هو قالها نسميه خير الدين , وهي قاتلو خير الله , المهم , كي ولدت طفل خرج صغييييييييييييييير بزاف سماوه " خير من بلاه "



واحد راح يخطب في طفلة , قالو باباها /: واش تخدم ؟ قالو : جارنا طبيب



واحد خرج من مستشفى الأمراض العقلية , راح يخدم حلاق حفاف , أيا جاء الزبون الأول , كي بدا يحففلو , سقصاه : تستحق وذنك ؟؟ الزبون يحسبوا يضحك معاه : قالو لا , المهبول قطع وذن الزبون ورماها في الخارج , الزبون مات بالخلعة , عاود سقصاه الحفاف : تحتاج الأذن الأخرى ؟, الزبون قالوا ايه ايه, أيا الحفاف قطعها واعطاهالو



واحد قال نكتة قديمة خرجلو غبار من فمه



واحد اسمو مفتاح لما مات دارهم ماحزنوش ومابكاوش عليه,كي صقصاوهم وعلاش ؟ قالوا : عندنا الدوبل



واحد حب ينتحر رمى روحو من الليطاج 5 كي لحق الليطاج 3 ندم




واحد محكوم عليه بالإعدام صقصاوه باش حاب تموت بالغاز ولا بالشاقور ,خاف من الشاقور إلا يضربوه بيه قالهم بالغاز

ايا ضربوه بقرعة غاز حتى مات


عجوز سقصات واحد " واش تخدم "؟ قالها طبيب أطفال , قالتلو وعلاش يا وليدي ماكنش عندك الدراهم تكمل قرايتك ؟



الأول : عندي وحد لا ميموار في راسي فووور , ما ننسى والو

الثاني : وكيف نسيت الدراهم اللي سلفتهملك
الأول : دراهمك دخلوا جيبي مادخلوش راسي



أيا قالك واحد سمع باختطاف الطائرات , ركب قطار من مصر للأردن , راح للسائق وحطلو الموس في الرقبة وقاله : روح اليمن



الصومال دارت حرب مع الماريكان , ديما تغلب الصومال , جا جورج بوش صقصا الجنود / واش بيكم كيفاش يغلبوكم ؟ راها حاكمتهم المجاعة , قالولو نتيرو عليهم يتخباو ورا السلاح ؟؟ خخخخخخ


واحد عندو المجاعة , لقا ساعة دارها سبتة



واحد عندو المجاعة , كان يدوش , كي فتح الثقبة اللي تعقب الماء راح معاها , داتو



واحد من المجاعة كان يحوسو عليه CIA أيا هوما يحوسو عليه , حط خمسمية " قطعة نقدية "

فاتو عليه عندبالهم مسمار





واحد طويييييل شرب حليب ومبعد مات ,علاش ؟ الحليب انتهت مدة صلاحيته قبل ما يوصل لكرشو





الأول : هذا العقار الواسع ورثناه أبا عن جد

الثاني ماذا كان يشتغل جدك , رد الأول : ناهب عقارات



واحد طاح في بئر , فاتو عليه جماعة بدا يعيط عليهم : عاونوني آآآآآ , خرجوني
الجماعة رماولو حبل , كي خرجوه صابوه ميت , علاه ؟؟ ربط روحو من رقبتوهههه





قالك واحد طلع في طيارة , نهار طلعو وخلصوا جات المضيفة قاتلهم من داخ ؟؟ هز هذا السيد يدو قالها أنا عطاتو الدوا , ممبعد شوي زادت جات قاتلهم من داخ قالها أنا , زادت عطاتو دوا , زاد شوي شوي جات قاتلهم من داخ ؟ قالها أنا زادت عطاتلو الدوا , المهم وحد العشر مرات حتى مات السيد من الدوا بزاف , نهار شافو بطاقة التعريف لقاو وسمو منداخ رابح



قالك واحد غلباتو مرتو ديما يغسل المواعن هو , واحد النهار راح لواحد صاحبو قالو كيفاش ندير معاها قالو روح مزعف وعيط عليها ضرك تخاف منك , أيا نهار دخل للدار مزعف بدا يعيط قالها أسمعي يا خيرة ناضت هي ثاني تعيط قاتلو واش تحب يا حمار قالها كـ..كشــ..كشما مواعين نغسلهم




قالك روبوكوب ولدت مرتو طفل أيا ذبح (موطار)



أيا قالك واحد قتل مرتو , داوه للمحكمة , أيا صقصاه القاضي وعلاش قتلتها , قالو راها تخون فيا مع صاحبها , قالو القاضي كيفاش عرفت ؟ قالو شوف بطاقة التعريف مكتوب فيها " إمضاء صاحبها "





.أيا قالك بن لادن احتجز رهائن في وحد الكهف , المريكان حبت توعيه بعثتلو الرؤساء انتاع الدول باش يحاوروه,أيا دخل بوش للكهف باش يحاور بن لادن , بعد ساعة خرج بوش لابس عمامة ومسلم, أيا دخلولو ساركوزي باش يحاورو,بعد ساعة خرج ساركوزي لابس عمامة ومسلم, أيا داخو مالقاوش اللي يقنعو,داولو بوتفليقة , دخل بوتفليقة للكهف , بعد ساعة خرج بن لادن " نعم لعهدة ثالثة "

تحية للرئيس بوتفليقة كشما يزيدلنا la Bource





.هذي الحكاية حكاها الرئيس بوتفليقة

وحد السيد قال لبوتفليقة : علاش ما نديروش حاجة في العلم الوطني انتاعنا كيما في العراق دايرين الله أكبر و في السعودية دايرين لا اله إلا الله , قالو بوتفليقة واحنا واش نديرو ؟ قالو نديرو " الله غالب "



واحد تلاقا مع عجوز قالتلو (واش تخدم يا وليدي؟ ) قالها بيطري فقالتلو (واش يدير البيطري ) قاللها طبيب حيوانات فقالت له ( لو كملت قرايتك ماكش هكذا)



قالك إرهابي تضارب مع صاحبو , نهار تـفاهموا , قالو اسمحلي هيا نخلصك شامبيط (حرس بلدي ) في الغدا





واحد كان لابس صباط تاع مليون , طلع في الكار , عفست عليه عجوز , قالها يا الحاجة راكي عافسة على مليون قالتو تاعي وين راها ؟





واحد المعلمة صقصات طفل , قاتلو قول صباط , قالها " هباط " , قاتلوا صباط ماشي هباط , قالها هباط , قاتلو صباط قالها هباط , المهم قالتول جيب ولي أمرك , كي جا ولي أمرو قاتلو أنا نقولو صباط وهو يقول هباط قالها : حبيتيه يقولك هابو (زعمة صابو )





واحد الطفل ديما يروح لحانوت يقولو : عندك ملح ؟ اعطيني سكر . عندك قزوز ؟ أعطيني سعيدة , يصقصيه على حاجة ويدي حاجة أخرى , المهم وحد المرة كان جايز باباه , عيطلو مول الحانوت قالو : ولدك راه يمرضني , يصقصي على حاجة ويدي حاجة أخرى , قالو باباه : عندك عصا ؟ قالو ايه , قالو أضربو بكف





واحد كان ياكل في مطعم موسخ بزاف , كي خلص الماكلة قالهم وين راه المعلم نشكيلو سوء التسيير , قالولو راه في المطعم المجاور يتغدى



واحد كان في مطعم ياكل لقا فار ميت في الشوربة , راه يشكي قالولو مازالك 5 فيران وتربح معانا في الطومبولا





واحد ديما يهز معاه قرلو ميت باش كي يروح للمطعم وياكل يحط القرلو في الماكلة وممبعد يروح يشكي , يقولو مول المطعم كول باطل وما تبهدلناش , ديما يدير هكذا , وحد المرة فاق بيه صاحبو قالو أعطيني كشما عندك قرلو ميت , قالو مازالي 4 نستقهوا بيهم



أيا قالك واحد تسكن قدامو وحدة ألمانية , كل صباح تقولوGUTAN TAG

معناها صباح الخير , وهو مايفهمش, المهم سقصا صاحبو واش معناها , صاحبوا قالو معناها صباح الخير , المرة الجاية كي قالتلوا الألمانية GuTan Tag قالها Taaaaaaaag زعمة << خيييييييييير



أيا قالك المصري والجزائري دخلوا للمطعم وحد النهار , أيا الجزائري طلب راس خروف مشوي ووحدة بيبسي , المصري طلب سمك وبيبسي , وممبعد شوي المصري كلا السمك انتاعو وشرب البيبسي انتاعو وانتاع الجزائري , الجزائري قالو : وعلاش ؟؟ قالو المصري : السمك عايز يسبح, شاف معاه الجزائري وعطاه بدماغ " راس " وقالو : حتى الخروف عايز ينطح



قالك ثلاث قطط جنس إناث , كانوا بالحمل , راحو لمستشفى القطط , الممرضة سألتهم كيفاش هزيتو الحمل , الأولى قطة فرنسية قالتلها : تعرفت على فرونسوا وحبينا بعضانا وبعد سنتين زواج قررنا نخلف قط , راحت للثانية وسألتها : كيف حملت ؟ ردت الثانية وكانت مصرية : أنا حبيت أحمد وتجوزنا بعد قصة حب جميلة وأخيرا قررنا نخلف حتة قط صغير , الممرضة فرحت , راحت للأخيرة وكانت جزائرية وقاتلها : أنتي كيف حملت ؟ ردت الهرة المغبونة : يا بنتي كنت نمشي , لقيت عظم مرمي , انحنيت باش نهزو , منعرف الضربة من وين جات ؟





وحد النهار دخل جنرال على ثكنة عسكرية

زعمة زيارة مفاجئة

كي الجنود عدلوا رواحهم

بدا الجنرال يشوف فيهم بالواحد

عجبو واحد الجندي

شاف معاه الجنرال وقال :

وش اسمك ؟ قالو : سعيد يا حضارات

قالو: واش راك هاز في يديك ؟ (يقصد السلاح )

قالو : السيمونوف (نوع من الأسلحة )

قبضوا ضربو وعذبوا , :

قالو هذي مشي سيمونوف , هذي أرضك هذي عرضك , الشرف تاعك كيما مرتك , ديرها مرتك

المهم

الجنرال رح للجندي الي بعدو وسقصاه :

وش اسمك ؟

قال : عبد القادر

قالو الجنرال : واش تهز في يديك؟ ( السلاح طبعا )

قالو الجندي وهو يرجف : مرت السعيد يا سيدي





معلم كان يبكي جاه صاحبو معلم قالو علاش تبكي قالو خلاصلي بيدون زيت بعد عامين . قالو المعلم الأخر , علاش كنتو تسيقو بيه ؟؟




طفل سقصاه المعلم , # الزرافة طير ؟ # الطفل قالو ايه , قالو المعلم انتا حمار بن حمار , واش يخدم باباك ؟ قالو الطفل كولونال , المعلم قالو , الرزافة لوكان تحاول راها تقدر طير ههههه

الصحافية انتاع حصة رحالة راحت للصحرا , لقات واحد الشيخ قاعد , قالتلو عمو كشما عندكم حاجة غريبة هنا ؟؟ خرج رفعة شمة ودارها في عينو وقالها " هنا ؟ ماكاش "



واحد الطفل كل ما يروح يشري من الحانوت يقول لمول الحانوت , كاين ما سعيدة ؟ يقولو ايه , يقولو أعطيني قزوز هههه

كشغل يصقصي على حاجة ويدي حاجة وحدأخرى , وكان يقلقو , وحد النهار جا فايت الأب انتاع الطفل , عيطلو مول الحانوت وقالو" ابنك ديما يقلقني , يصقصي على حاجة ويدي حاجة وحدأخرى " قالو باباه " عندك هراوة ؟ " قالو " ايه " قالو أضربو بكف " ههههه





.واحد شرا تريكو فيه الفوطو انتاع فوندام (ممثل) , ولبس فوقو قشابية في الصيف , حتى ولى منتن من السخانة, نهار نحى القشابية لقى فوندام شاد نيفو ههههههه









.القاضي : أنتا متزوج ؟

المتهم : ايه

القاضي : بيمن متزوج ؟

المتهم : بمرا (إمرأة)

القاضي هههههه وعلاش كاين اللي يتزوج براجل ؟؟؟؟

المتهم : كاين

القاضي مخلوع : آه كاين ؟ وشكون ؟

المتهم : أختي متزوجة براجل ههههههه





. واحد الراجل قال لولادو كي نموت أدفنوني واقف , قالولو وعلاش ؟ قالهم الميترة انتاع الأرض بـ 100 ألف





. واحد الشيخ كي عاد قريب يموت , دارو بيه ولادو , هو بدا يشوف فيهم

قالهم : وين راه السعيد ؟

قالو: أني هنا

قالهم : وين راه المسعود ؟

قالو : أني هنا

قالهم : وين راه عبد الباقي ؟

قالو أني هنا

بدا يعيط عليهم : وشكون اللي راه شاد الحانوت مالا ؟





.وحد القرية خدمو قنبلة نووية , نهار سمع بيهم الرئيس قالهم أعطيونا نجربوها , نطرطقوها في كاش صحرا , قالولو لالا خدمناها هنا , نطرطقوها هنا.





أيا قالك الرؤساء انتاع الدول انتاع العالم كامل قرروا باش يديرو مشروع ويخدمو طيارة , أيا الرئيس المريكاني تكلف الهيكل الخارجي على خاطر هوما فور في التصميم , الروسي تكلف بالسلاح على خاطر هوما فور في السلاح, الألماني تكلف بالمحركات على خاطر هوما فور في الميكانيك , الجابوني بالرادار والفرنسي بالكراسى والأناقة , المهم كل واحد ساهم , أيا كي خلصو واراحو يرتاحو , جا الشادلي وكتب فيها " الخطوط الجوية الجزائرية "



واحد الإرهابي صدم على دار , صاب عجوز وشيخ راقدين , أيا صوب الكلاش ليهم وقال للعجوز واش اسمك ؟ قاتلو خيرة , قالها عندك الزهر على خاطر اسمك كيما اسم العجوز يما , وممبعد راح للشيخ وقالو واش اسمك ؟ قالو الطاهر ويعيطولي خيرة



أيا قالك واحد الطفل نهار زاد , زاد راسو كبير بزاف , الناس عقدوه , أيا واحد المرة قال لأمو أنا الناس ديما يضحكوا عليا كي عاد راسي كبير , قاتلو يماه , لالا راسك ماشي كبير الناس زعلو منك برك , هاك عشرة آلاف روح اشريلي البطاطا , قالها ماعنديش قفة قالتلو دير البطاطا في الكاسكيطا تاعك





قالك واحد بخيل شرا قرعة دوا حمر , ايا في الطريق طاحت تكسرت,غاضو الحال , راح جرح روحو ودار منها وهي سايحة



واحد المرة دارو مسابقة علمية بين العربي والمريكاني , أيا عطاوهم السؤال الأول ما هي أصغر حشرة في العالم ؟ الماريكاني بدا يخدم بالميكروسكوب والأنترنت والأبحاث والحالة , المهم قالهم لقيت النتيجة أصغر حشرة في العالم هي الزيمبا وتعيش في أذن القرد , عطاولو 10/10 , أيا جا العربي قالولو ماهي اصغر حشرة في العالم , قالهم النيمبا , قالولو وين تعيش , قالهم في أذن الزيمبا



واحد الراجل لقا طفل صغير يبكي قالو وعلاش تبكي قالو البالو تاعي تفش, راح الراجل شرالو بالو واحد آخر وعطاهلو الطفل مازال يبكي , قالو الراجل علاه راك تبكي هاو البالو جديد , قالو الطفل لوكان ماتفشليش البالو الأول لوكان ضرك عندي زوج بالوات



واحد السيد راح حاشاكم حكم الخرا ودارو كيما حبات انتاع الدوا , وراح يبيع فيه في السوق , بدا يعيط في السوق " أيا حب الفهامة حب الفهامة , إلي حاب يولي يفهم يشري حب الفهامة " الناس جاو يشرو من عندو , جا واحد السيد فتح حبة والدوا وشمها لقاها خرا , قالو " هذا هاو خرا " قالو البياع " هاك بديت تفهم "



واحد المسألة انتاع رياضيات , فلاح يملك حقل طوله 50 متر وعرضه 20 متر , السؤال ماهو عمر الفلاح ؟



واحد حابس , جاتو الحكومة قاتلو أعطينا وثيقة إثبات ملكية المنزل , جابلهم فوطو تاعو متصور في الحوش انتاع الدار

انتظر ردود

شكرا جزيلا على النكت

شكرا على النكت يموتو بل ضحك