نكت جميلة جدا

في 16 واحد عايشين في شقة واحدة وكل اسبوع يسيب واحد منهم الشقة
ليه ،،،،،،،،،،،،،،،،،،،،،

بيقلدوا ستار اكاديمي

------------------------------------------------------------------------------------------

في فريق كرة قدم للنمل معهم صرصار ليه ؟

لاعب اجنبي

-------------------------------------------------------------------------------------------
س: هل تعرف من هو اوفي مخلوق؟

ج : دي نملة مات الفيل جوزها وقعدت طول حياتها تدفن فيه


--------------------------------------------------------------------------------------------
س: صعيدي واقف مع دودة في الشمس.. ليه؟؟؟؟

ج: الطبيب قال له اقعد في الشمس دقايق معدودة.

---------------------------------------------------------------------------------------------

س: صعيدي اتحرق نقلوه على قسم العظام... ليه ؟

ج:أخوه طفاه بكوريك

---------------------------------------------------------------------------------------------
س: ليه السكران بيروح يصطاد وهو لابس بيجاما؟؟


ج: علشان العصافير تفتكره نايم

--------------------------------------------------------------------------------------------
س: ايه الفرق بين جيبه قصيرة وحبل قصير؟؟؟؟؟؟؟؟؟؟؟ ج: الحبل بجر حمار والجيبه تجر 100 حمار.............

علي فكره عشان حبايبنا الي مش بيعرفوا مصري جيبه يعني تنورة
---------------------------------------------------------------------------------------------

غبي دافن نصه في الارض ليه ؟ بيصور فيديوكليب انا عايش ومش عايش

---------------------------------------------------------------------------------------------

ليه النمله مابتخدش الفيل قدامها على العجله ؟؟؟

علشان بيلعب فى الجرس


---------------------------------------------------------------------------------------------



يلا نكت بقه
-------------

مرة واحد بتاع سمك ابوه مات فماشى في الجنازة يقول "كان صاحي و بيلعب!"


-----------------------------------------------------------------------------------------

بياع جرايد ماشي ف جنازة أبوه عمال يقول "اقرا الفاتحة اقرا الفاتحة".

-----------------------------------------------------------------------------------------

مرة واحد كبر دماغه ما عرفش يقلع الفانلة
-----------------------------------------------------------------------------------------

مدرس إنجليزي بيسأل تلميذ "جوز هند بالإنجليزي يعني إيه؟" قال له "كوكو نت"، الأستاذ قال له "حطها ف جملة مفيدة" قال له "كوكو نت من الشباك"
-----------------------------------------------------------------------------------------
عجوز وجدت مصباح علاء الدين، فقال لها العفريت: ماذا تتمنين؟ فقالت له:أتمني أن اصبح بيضاء ويلتف حولي الرجال، فحولها الي حمام عمومي!
-----------------------------------------------------------------------------------------
مرة واحد أكل جوز هند، قامت هند اكلت مراته!
------------------------------------------------------------------------------------------
اتنين بلدياتنا زهقوا من الضحك عليهم فسافروا الهند، أول مانزلوا من الطيارة لقوا الهنود بينحنوا عشان يحيوهم، فواحد منهم سأل الثاني: هما بيحترمونا كدة ليه؟ قال له: أصلهم هنا بيعبدوا البقر!
------------------------------------------------------------------------------------------
راح ديك ينصح فرخة، قال لها: بقى ياخدوا منك البيض وانتي ساكتة، قالت الفرخة: احسن من اللي يأذن ومايصليش!
-------------------------------------------------------------------------------------------
المدرس ما معنى كلمة "سبيل" الطالب:طريق المعلم: ممتاز اذا ما معنى كلمة سلسبيل الطالب:طرطريق!
------------------------------------------------------------------------------------------
واحد كتب علي نمرة عربيته "أبوأحمد" ، فوقفته لجنة المرور، فقال: أبو ظبي مش احسن مني.
-------------------------------------------------------------------------------------------

الاول : الشارع ده بيروح علي فين؟
الثاني : الشارع ده طول عمره هنا لا بيروح ولا بيجي
------------------------------------------------------------------------------------------
مره واحد بدوي قال لمرته : الليله عاوز رومانسيه !!سألت البنت امها شو يعني رومانسيه ؟؟؟؟ قالتلها امها : ما بعرف بس احتياطا انقعي أرز
--------------------------------------------------------------------
مريض بيحلم كل يوم
بكتاكيت بتلعب ماتشات راح للدكتور وقال للدكتور الحكاية وانه بيحلم بكتاكيت بتلعب ماتشات الدكتور قاله بس هاقللك خد القرصين دوله وانت هتنام مش هتحلم باى حاجه رد المريض قله لا ياروح امك ا النهار ده النهائى
---------------------------------------------------------------------------------------------
مرة ولد سئل أمة من أين أتى ؟ قالت لة أمة انها وضعت ملعقة سكر تحت السجادة و قعدت عليها لمدة دقيقة و رفعت السجادة و وجدتك راح الولد عمل مثل أمة وبعد دقيقة وجد تحت السجادة صرصور و قال لة وبس لو انك مش ابني كان قتلتك
--------------------------------------------------------------------------------------------
فى مرة واحد تعبان قالة الدكتور عندك فيروز فى المعدة قال المريض طب دور كويس يمكن تلاقي وديع مراد
----------------------------------------------------------------------------------------
واحد قابل واحد قاله أزيك يامحمدين قالو أنا مش محمدين قالو تبقي حسانين قالو ولاحسانين قالو يارجل انا شيفك في اسكندرية العام الماضي قالو انا عمري
ماروحت اسكندرية قالو ولا أنا
-------------------------------------------------------------------------------------------
قرية اهلها اشتكوا ان الامام يلقي خطب طويلة جدا جدا في الصلاة فاشتكوا الي الاوقاف التي ارسلت لهم اماما جديدا ولكنه كرر نفس المشكلة فاعادوا الشكوى فارسلت لهم الاوقاف شيخا آخر وحذرته من الاطالة وصل الامام الجديد فدخل المسجد وصعد المنبر وحيّا المصلين وسأل : اتعرفون قصة سيدنا يوسف عليه السلام؟ فرد المصلون كلهم: نعم فنظر الامام الى المؤذن وقال: اقم الصلاة ولما فرغ من صلاته استوقف الناس وسألهم: اتعرفون قصة سيدنا موسى عليه السلام؟ فرد المصلون : نعم
فقال لهم : خلاص الجمعه الجاية اجازة
---------------------------------------------------------------------------------------------
مرة واحد مسطول قبض مرتبة وقاعد بيقسم المرتب مية جنيه ايجار مية جنيه مصاريف وعشرين جنيه حشيش البوليس خبط علي الباب قطع العشرين جنيه بتاعت الحشيش
---------------------------------------------------------------------------------------------
في واحد ركب باص أبو دورين في الدور الفوقاني جلس شوية ثم نزل الى الدور التحتاني بعدين سألوه : كنت فوق ليه نزل لتحت؟؟؟ قال : علشان فوق مافيش سواق
---------------------------------------------------------------------------------------------

في واحد شاف اخته بتبكي سالها ليه بتبكي قالتله عشان جوزي كداب قالها ليه قالتله كان نايم بره ليله امبارح وسالته كنت فين قالي كنت نايم عند صديقه عامر قالها اخوها طب وايه الي فيها دي قالتله اصل انا الي كنت نايمه عند عامر امبارح ------------------------------------------------------------------------------------------------

واحد صعيدي واقف علي كبري قصر النيل بيقول تلاته وتلاتين تلاته وتلاتين فواحد معدي بيقوله انتي بتقول كدة لية راح حدفه وقال اربعة وتلاتين اربعة وتلاتين
--------------------------------------------------------------------------------------------
واحد قابل صاحبه قاله امبارح كنت قاعد في البلكونة وقعت عليا بعكوكة قاله يعني أيه بلكونة
-------------------------------------------------------------------------------------------
عشره ----- حبوا يعملوا مجرمين خطفوا طياره فاضيه و إتصلوا بالمسئولين قالولهم إن ما نفذتوش طلباتنا كل نص ساعه حنقتل واحد منا
----------------------------------------------------------------------------------------------عجوزتان تريدان الزواج قاما بعمل اعلان ؟؟
تزوج واحدة واحصل على الاخرى مجانا
--------------------------------------------------------------------------------------------
مرة واحد كبابجي اتجوز فرش السرير بقدونس
----------------------------------------------------------------------------
لعيب كورة بيسأل مراته إذا كانت خانته قبل كده ولا لا فقالت له : بصراحه (3) مرات بس، الاولى: فاكر لما المدرب ماكنش بيرضى يلعبك وبعدين بقى يلعبك!قالها: طب تاني مره ؟ قالت له: فاكر لما زمايلك ماكانوش بيباصولك الكوره وبعدين بقو يباصولك!! قال لها : طب تالت مره؟؟ قالت له : فاكر الجماهير لما ماكانتش بتشجعك وبعدين كلهم بقو يشجعوك
----------------------------------------------------------------------------
واحد بيسأل مراته "انتى عمرك خنتينى قبل كده؟".........قالت له "ابدا يا عباس...بقى ده كلام تقوله يا صفوت؟؟.......انا اخونك يا جمال؟؟.......انت كده جرحتنى يا محمود....بس مش مهم .. المهم دلوقتى يا على تلحق تنزل بسرعة عشان المخفى جوزى زمانه جاى
----------------------------------------------------------------------------
مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها



بيقولك 2 حرامية حبوا يسرقوا شقة واحد ففى واحدنط فى البلكونة فالراجل مسكة فقالة انت بتعمل اية هنا قالة بص ياعم الحج انا كنت بحارب الاعداء بالطيارة بتاعتى وفجاءة انضربت ونطيط بالبرشوت هنا راح الراجل قايلة ايوة كدة انت بطل مش التانى اللى نايم فى البانيو ويقولى ضفادع بشرية


هههههههاااااااااااااااااااااااااااااااااااا


مرة واحد غبي حب يطور الطيارة الهليكوبتر فك المروحة وركب بدالها تكييف



مره واحد غبي جزمتو انقطعت راح خيطها وبعد اسبوع لاقاها سليمه فك الخياطه تانى


واحد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي


مره فى ثلاثه بنات ماشيين فى الشارع واحده بتقول انا عايزه اتجوز واحد يكون له هيبه وشان عظيم والثانيه تقول انا عايزه اتجوز واحد من اليابان والثالثه عايزه تتجوز لاعب كوره مصرى مشهور ، واحد كان ماشى وراهم وسمعهم ام راح يسلم عليهم ويقول انا العميد يونج يانج الشهير بابو تريكا


مرة واحد بيقول لمراته "اعملى محشى" فقالت له "ما بعرفش" قلها "ماليش دعوة" فراح الشغل ورجع لقى السفرة مليانة محشى قلها "مين اللى عمله؟" فقالت "معرفش" فأشتكى للبواب، البواب رد وقاله "الشقة ديه مسكونة" فقله "لاياعم أنا هروح شقة حلوان" فطلع الشقة لقى العفش محلول وهو نازل لقى أربع عفاريت بيغنوا "هنروح حلوان هنروح حلوان


مره لعيب كره شاط رائحته طلعت


مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكمين

مرة دبانة سقطت فى كاس خمرة طلعت تقول وسع للنسر

هههههههههههههه